8 наурыз Халықаралық Әйелдер күні мерекесі

8 Наурыз Халықаралық Әйелдер күніне орай мерекелік іс-шара өткізілді. Мерекелік іс-шараға мектеп ұжымы мен қонақтар қатысты. Мектеп директоры Г.Тұрлыбек 8 наурыз Халықаралық Әйелдер күнімен жүрек жарды жылы лебізін білдіре отырып, Н.Шымшықова бастауыш сынып мұғалімі және математика пәні мұғалімі Г.Күзембаеваларды зейнетке шығуларымен құттықтап, марапаттады. Қазақ тілі пәні мұғалімі А.Төлегенова Жамбыл облысы әкімдігінің тілдерді дамыту басқармасы Тілдерді оқыту орталығының директоры Ж.Ізтұяқовтың ҚазТест –қазақ тілін білу деңгейін бағалау жүйесі диагностикалық тестілеуінен ең жоғарғы 137 балл алғаны үшін Алғыс хатымен құттықтады. Мектеп бітірушілердің ата-аналарының демеушілігімен мектепке микрофон жиынтығы сыйға тартылды. Аудандық кәсіподақ комитетінің төрайымы Қ.Иманбаева мектеп игілігі үшін диспенсер сыйлады. Залдағы барлық әйел азаматтарына мектептің кәсіподақ ұйымының атынан мерекелік сыйлықтар табыс етілді. Мерекелік іс-шара музыка пәні мұғалімі сазгер С.Ілиясовтың "Сағадаттың сырлы саздары" атты шығармашылық кешіне ұласты. Мерекелік іс-шараға ауданның өнер саңлақтары ақын Б.Асқаров және әріптестері мен туған-туыстары қатысты.